Kitbiet ta' Santa Klara ta' Assisi
Ittra lil Ermentrude
1. Lill-wisq mahbuba ohtha, Ermentrude: Klara ta' Assisi, qaddejja umli ta' Gesù Kristu, tixtieq sahha u sliem.
2. Sirt naf, mahbuba ohti, li bil-ghajnuna tal-grazzja ta' Alla, irnexxielek tahrab mit-thassir tad-dinja, 3. u dan lili jferrahni hafna u rrid nifrahlek minn qalbi; il-ferh tieghi jikber ghax naf li int, u l-ulied tieghek qed timxu bi qlubija fit-triq tal-virtù.
4. Ghalhekk zomm shih sal-mewt mahbuba tieghi, ma' Dak li ntrabatt mieghu ghal dejjem. Hu zgur ghad jaghtik il-kuruna tal-hajja (Gak 1,12).
5. Iz-zmien tal-hidma taghna hawn fl-art hu qasir, imma l-hlas hu ghal dejjem.
6. Thallix it-tlellix tad-dinja, li tghaddi bhad-dell, ighammixlek ghajnejk. Thallix il-pjaciri fiergha ta' din id-dinja jqarrqu bik. Aghlaq widnejk ghat-tfesfis ta' l-infern, u eghleb bil-qawwa l-hbit tieghu.
7. Ilqa' t-tigrib bil-qalb it-tajba, u thallix il-kburija timlielek qalbek meta kollox jimxi sewwa; ghaliex din teqridlek il-fidi tieghek, waqt li ta' l-ewwel jitlob li jkollok fidi waqqija.
8. Rodd mela bil-fedeltà kollha lil Alla l-weghdiet tieghek (Salm 75,12), u Hu jaghtik il-hlas tieghek.
9. O ghaziza tieghi, hares lejn is-sema li qed issejhilna, erfa' ssalib tieghek u imxi wara Kristu (Lq 9,23), li ghadda gabilna, 10. ghaliex wara hafna tbatijiet ta' kull xorta, Hu jdahhalna filglorja tieghu (Apok 14,21; Lq 24,26).
11. Hobb lil Alla b'qalbek kollha, u lil Gesù Ibnu, li kien imsallab ghalina midinbin, u thalli qatt it-tifkira tieghu tohrog minn mohhok.
12. Tghejja qatt tahseb fuq il-misteru tas-Salib, u d-duluri ta' Ommu, wieqfa hdejn is-salib (Gw 19,25).
13. Ishar u itlob bla waqfien (Mt 26,41).
14. Wassal ghat-tmiem il-gid li bdejt taghmel, u wettaq il-misteru li haddant fil-faqar imqaddes u l-umiltà sinciera (2 Tim 4,5.7).
15. La tibzax, binti: Alla hu ta' kelmtu fil-weghdiet tieghu kollha, u twajjeb f'dak kollu li ghamel (Salm 144,13), u jxerred kotrana ilbarka tieghu fuqek u fuq uliedek.
16. Hu jkun il-ghajnuna tieghek, l-ahjar farag tieghek, ghaliex hu l-Feddej taghna, u Hu innifsu hu l-hlas taghna ta' dejjem.
17. Nitolbu lil Alla wahda ghall-ohra, biex hekk, waqt li nerfghu t-taghbija ta' xulxin (Gal 6,2), inharsu b'heffa l-ligi ta' Kristu (Gak 5,16). Amen.
mehud minn: Il-Kitbiet ta' San Frangisk u Santa Klara, traduzzjoni ta' Sr M. Immakulata Bellizzi OSC, Edizzjoni TAU, Malta 1993
Assisi - 27.3.2003
Santa Klara
ta' Assisi
750 Sena mill-Mewt 1253-2003
Dan is-750 Anniversarju nibdew niccelebrawh
minn
Hadd il-Palm
(13 ta' April) 2003 meta ohtna Klara harbet mid-dar
ta' missierha
u weghdet ubbidjenza
lil Frangisku quddiem
Santa Marija
ta' Angli
u ngibuh
ghat-tmiem b'celebrazzjoni kbira nhar
il-Festa ta'
Santa Klara
fil-11 ta' Awissu 2004.
mill-ittra tal-
Ministri Generali