Poeżija Franġiskana
L-Istatwa ta' San Franġisk
Antonia Chetcuti
L-Istatwa ta' San Franġisk tagħlaq Ħamsin Sena
Did-darba l-bombi qerrieda
lil din ma ħafruhiex.
U qerdu dik l-istatwa
li flokha din tpoġġiet.
Ħadu ħsieba ħafna:
il-kuġini tagħna Dimech
il-ħanut tagħhom quddiemha
dejjem nafuh hemmhekk.
Dan l-aħħar Joe Micallef
kien ħadha hu f'idejh
Imma l-Mulej dan ħadu
biex joqgħod miegħu ħdejh.
Narawh bis-Salib f'idu,
għax miegħu kien marbut,
il-ħniena li hu kellu
għall-fqir u għall-batut.
Ħabbewh Missirijietna
u l-kunvent tal-patrijiet,
maħbuba sew minn niesna
insibuhom fil-ħtiġijiet.
Fit-Triq saret Quddiesa,
kien hemm il-patrijiet
Chris Vella li jieħu ħsiebha
u fuq kollox l-Arċipriet.
Għaddew ġa ħamsin sena
tax-xbieha ta' dal-Qaddis
il-Fqajjar ta' Assisi
għalina tant għażiż.
Din il-Poeżija dehret fil-Ktejjeb "Fjuri Bojod Weraq Ħodor" - Ġabra ta' Poeżiji miktuba minn Antonia (Ninetta) , Dolly u Manuel Chetcuti u ppubblikati f'Marzu 2007
Burmarrad - 6.11.2017
poeżija
ta'
Antonia Chetcuti