Poeżija Franġiskana
Innu lil San Franġisk t'Assisi
Robert Gatt
Innu lil San Franġisk t'Assisi
Insellmulek O Fqajjar t'Assisi,
f'dan il-jum, li l-Verb rajt wiċċ imb'wiċċ;
nagħtuk ħajr, hekk kif tajt ħajr lil Alla,
għax biH biss, intrefgħu minn dax-xej'!
O Missier, Serafiku Qaddis,
l-Evanġelju sejjist fuqu l-ħajja,
li ħaddant, u miegħek seħibt bosta,
biex flimkien tiddakkru mill-Feddej!
Fqir u umli, qaddej t'Alla l-Għoli,
ħarstek xħitt fis-Saltna tas-Smewwiet;
int ħabbejt il-ħlejjaq kollha tiegħU,
tal-ħolqien, tas-sema u l-art, Għannej!
Difensur, tal-ħajja, tal-ħolqien,
qalbek tfur bil-għerf tal-Kelma t'Alla,
u bil-ferħ, lejn l-Omm tagħna Marija
li fil-ġuf, issebbħet b'Dak li ġej!
Il-pjagi mqaddsa irċevejt f'La Verna,
ġarrabt fuqek l-uġigħ tal-Mislub;
ma ntrabatx mal-ġid ta' din id-dinja,
u stagħnejt fid-dija tal-Mulej!
Inti lmaħt, fid-dinja, fl-univers,
id smewwija trieġi t-tmun tal-ħajja;
fiha fdajt, fil-ġmiel li qatt jispiċċa,
u inżajt, biex tilbes lill-Mexxej!
O Franġisku, kun għalina t-tama,
li fid-dlam, tqawwilna tagħna l-qlub;
agħti l-wens lir-ruħ iġġorr il-ħtija,
biex tiġġarrab ma jkunx hemm għalfej'!
Inti l-bieb, li minnu ngħaddu lkoll,
meta naslu fil-glorja tas-sema
fejn tinsab, f'tifħir etern lil Alla,
tagħtiH ġieħ, u biex lilna turiH!
Din il-Poeżija hija Innu lil San Franġisk li deher fil-Ktejjeb "L-Immakulata Kunċizzjoni - festa 2011" - paġna 75. L-Innu kien immużikat minn Chris Sciberras
Burmarrad - 11.1.2018
poeżija
ta'
Robert Gatt