Poeżija Franġiskana
T'Assisi Franġisku
Patrick Debattista
T'Assisi Franġisku
Ta' Kristu x-xebħ,
Ta' l-hena s-sebħ
Kien bniedem li ħabb is-safa,
B'hekk qrib sidu dejjem safa'.
Ġid id-dinja warajh tefa',
Bħal ma Kristu s-salib refa'
Xempju kbir ta' l-aqwa għana,
Serħan, ġid, żgur għar-ruħ tagħna.
Sliem u ġid is-slogan tiegħu,
Hena jgawdi min hu miegħu.
Dejjem prietka ġid u sliem,
Bil-għemejjel, mingħajr kliem.
Sliem u ġid ta' kulħadd,
Monopolju m'hu ta' ħadd.
Għix għal dan il-għan,
Dlonk sar Franġiskan.
Kiber l-għadd f'uliedu,
B'dawk li l-ġid, sliem riedu.
Timxi wara San Franġisk,
Kemm fir-ruħ u l-ġisem frisk.
Jekk bħalu trid tkun hieni,
Titnikkirx, imm'aħseb kmieni.
Ma nehdiex lilu nfaħħar,
Warajh gawdut fl-aħħar.
Din il-Poeżija dehret fid-Dawl Franġiskan, Leħen il-Kapuċċini Maltin, Ottubru 1996,
Burmarrad - 6.11.2017
poeżija
ta'
p. Patrick
Debattista
ofm cap