Nitolbu ma' San Franġisk
Novena bi tħejjija
għall-Festa ta’ San Franġisk
Is-Sitt Jum
30 ta' Settembru
Hemm xi aspetti fil-ħajja tiegħi li ma jaqblux ma dik ta’ Franġisku. Ma nistax nifhem għalfejn kellu jneħħi u jinża ħwejjġu kollha. Tidher ħaġa tassew tal-ġenn! Ma nimmaġina qatt lil Ġesù jagħmel ħaġa bħal din. Forsi kienet xi ħaġa tal-Medju Evu li ma nistax nifhem.
Imma l-ħsieb wara dan kien li Franġisku kien deċiż li jingħata kollu kemm hu lil Alla. Kif Alla ried jingħata kollu kemm hu lil bniedem. Meta missieru quddiem l-isqof tal-belt gerger li saħansitra l-ilbies li kellu fuqu ibnu kienu tiegħu, Franġisku bla ma qagħad jaħsibha darbtejn neża’ u radd dak il-ħin stess ħwejjġu lil missieru.
Għalhemm hija iebsa biex nammettiha, jien wkoll jeħtieġ li nkun pront u lest li nħalli kollox warajja biex nimxi wara Ġesù.
Is-suppervja, hija forsi l-aktar ħaġa iebsa biex inħallu warajjna fil-mixja tagħna bħala Nsara... Jista’ jkun li kien tassew din is-suppervja li Franġisku xtaq u ried jinża’ minn fuqu.
Talba
Għażiż san Franġisk
għinni biex inħall
minn dawk l-affarijiet kollha
li għadhom iżommuni marbut
u ma jħallunix ngħix
ħajja tassew ħielsa u bla xkiel.
Mhux tant ir-responsabbiltajiet
li l-istat tal-ħajja jitlob minni
x-xogħol, il-familja, l-impenn
u affarijiet bħal dawn,
imma huma l-affarijiet interjuri
li jżommuni imxekkel,
bħal l-immaġini minfuħa
li għandi tiegħi nnifsi
u li hemm bżonn ninża’
u neħles minnha.
Għinni Mulej, biex bħal San Franġisk
insir aktar iblaħ hawn fid-dinja
u jkolli qalbi aktar ħafifa,
ħielsa u mimlija bil-ferħ.
Għinni ninża’ minn kollox
u nilbes biss lilek.
Ammen,
Testi meħudin u maqlubin għall-Malti minn e-mail li waslet bl-isem "Novena in Honour of St Francis of Assisi" li wasal lil dan is-site mill-Indja.
Valletta - 4.10.2004
Novena
Is-Sitt
Jum
Il-Festa
ta'
San Franġisk
ta' Assisi tiġi ċċelebrata
kull sena
fl-4 ta' Ottubru.