Nitolbu ma' San Franġisk
Novena bi tħejjija
għall-Festa ta’ San Franġisk
It-Tielet Jum
27 ta' Settembru
Ħafna drabi meta naħsbu dwar il-qaddisin, naħsbu dwar il-qdusija tagħhom bħalikieku xi ħaġa li kienu twieled biha. Imma dan mhux minnu. Ħadd mill-qaddisin ma twieled b’xi raġġier fuq rasu. Ċert li kollha kemm huma riedu jwieġbu u jikbru bħalna fis-sejħa għal qdusija. Riedu jirbħu t-tiġrib kollu li jiġbu magħhom is-slaleb u l-provi tal-ħajja.
Franġisku ma kien xi eċċezzjoni. Kellu biża’ kbira u fl-istess waqt tgħaqtigħa kbira ma’ l-imġiedmin ta’ żmienu, tant li kien jagħmel minn kollox li ma jħallix lanqas id-dell ta’ wieħed minnhom jaqa’ fuqu jew jersaq lejh. Imma x’ġara?
Darba minnhom waqt li kien għaddej riekeb ferħan fuq iż-żiemel li kellu isib imġiddem quddiemu. Franġisku kien pront dawwar iż-żiemel biex ilebbet jitlaq minn hemm. Imma ħass ir-rimors ta’ qabel: Il-Mulej kien jagħmel hekk? - beda jaħseb bejnu u bejn ruħu – Ġesù kien iġib ruħu hekk ma bniedem fqajjar li jqanqal ħniena bħal dan? Le, da’ żgur li le! Għalhekk waqqaf iż-żiemel u dar lejn l-imġiddem, niżel għanqu miegħu u biesu.
Hawn nidħlu aħna. Jeħtieġ nistaqsu lilna nnfusna: min huma l-imġiddmin fil-ħajja tagħna? Jekk jirnexxilna nbiddlu l-imġieba tagħna magħhom kif għamel Franġisku, żgur jiġrilna kif ġara lilu: l-imġiddem jgħejb u jibqa’ quddiemna biss Kristu.
Talba
Għażiż San Franġisk,
il-qdusija tinbet minn kif
inġibu ruħna ma’ l-oħrajn.
Iftaħli qalbi u moħħi
ħalli nagħraf dak li hemm bżonn
inbiddel fil-ħajja tiegħi.
Itlob għalija ħalli bħalek
inkun nista’ mwieġeb
bl-imħabba u b’qalb miftuħa
għall-grazzji li jingħatawli.
Ammen.
Testi meħudin u maqlubin għall-Malti minn e-mail li waslet bl-isem "Novena in Honour of St Francis of Assisi" li wasal lil dan is-site mill-Indja.
Valletta -4.10.2004
Novena
It-Tielet
Jum
Il-Festa
ta'
San Franġisk
ta' Assisi tiġi ċċelebrata
kull sena
fl-4 ta' Ottubru.