Nitolbu ma' San Franġisk
Novena bi tħejjija
għall-Festa ta’ San Franġisk
It-Tieni Jum
26 ta' Settembru
Kif rajna l-bieraħ fil-ħajja taż-żagħżugħ Franġisku beda l-proċess ta’ konverżjoni. Imma kien għad fadal x’imxi. Kien żagħżugħ għani, fuq tiegħu, jħobb jilbes u jixxala. Bil-flus li kellu kien sikwit jagħmel ikliet lil ħbiebu, li kienu jsibuh bħala: “ir-Re tal-Festi”. Imma din d-darba kellha tkun l-aħħar waħda. Kien ser iħalli kollox warajh! Mhux wisq wara kellu jħalli dan il-mod ta’ għixien sinjur wara spallejh, imma l-ġenerożità u l-ispirtu li jagħti li kellu fih jissokta b’modi oħrajn.
Hekk kif niftħu qalbna biex inħallu l-imħabba kbira ta’ Alla tibdilha, nindunaw li Alla mhux ser jħassar kollox minna f’daqqa waħda u jibda kollox mill-ġdid! Le, id-doni u t-talenti li jkollna issa jibdew jiġu wżati b’modi kompletament ġodda. Hekk kif Ġesù biddel lil Pietru u lil ħuh Indri minn sajjieda tal-ħut għal sajjieda tal-bnedmin, hekk Alla issa jagħmel l-istess haġa bit-talenti u d-doni tagħna.
Ejjew illum inroddu ħajr lil Alla għall-barkiet kollha li jogħġbu jagħtina. Ejjew nirringrazzjawh għal kull mument li riċevejna mingħandu, imqarr għal dawk il-waqtiet li ma kkonsagrajniex u offrejniex lilu fl-imgħoddi, għax jistgħu jkun xiedha tal-ħidma tal-għaġeb tal-grazzja li tibdel li sseħħ ta’ kuljum fina.
Talba
Għażiż San Franġisk,
Int tassew il-qaddis tal-Ferħ
minħabba li sibt il-veru għana
fl-għalqa ta’ Alla.
Int tassew il-qaddis tal-Paċi
minħabba li sibt il-veru Paċi
li tiġi biss
meta nafdaw f’Alla.
Għinna, għażiż San Franġisk
biex insibu l-istess ferħ
u nħossi l-istess paċi
fil-qlub tagħna
u f’ħajja tagħna.
Ammen.
Testi huma meħudin u maqlubin għall-Malti minn e-mail li waslet bl-isem "Novena in Honour of St Francis of Assisi" li wasal lil dan is-site mill-Indja.
Valletta - 4.10.2004
Novena
It-Tieni
Jum
Il-Festa
ta'
San Franġisk
ta' Assisi tiġi ċċelebrata
kull sena
fl-4 ta' Ottubru.