Innijiet u Għanjiet
Innijiet u Għanjiet f'ġieħ San Franġisk
■ 1. Glorja, Glorja
■ 2. Ninsġu Safja
■ 3. Dieħla ġo Qalbi
■ 4. Talba ta' San Damjan
1. Glorja, Glorja
Glorja, Glorja, ngħannulu minn qalbna,
Lil Franġisku imlibbes bil-faqar.
Ngħidu f'ħajtu kemm ġarrab u nħaqar
għal min ħabbu u miet fuq salib
Int, Missierna, id-dehwa ta' l-Anġli;
kewkba tlellex bħad-deh'b, kollok dija.
Saffi lilna tal-ġrieħi mid-dmija
li naqqaxlek fuq ġismek Ħabib.
Glorja, Glorja, ingħajtu għalenija,
lil min rebat għall-mewt kull stkerriħa;
“Oħt”, sejħilha u waslet b'mistrieħa,
sabiex tkeffen 'il ġismu misiub.
Missier ħlejju, ħallina fuq ġismek,
ħarstna nwaħħlu, u naħsbu ġo fina.
Int biss stajt xebħ wisq għoli tagħtina,
ta' min b'demmu ħasilna mid-dnub.
Glorja, Glorja, bla heda ngħannulek,
fuq din l-art għat-twemmin blata sħiħa;
inseħbuha tal-warda mal-fwieħa
li titbissem ta' Malta fil-ġnien.
U jasallek, Missier, dan il-leħen;
ħares lejna; isma' t-talb fqajjar tagħna;
Qatt titbiegħed, tinfired minn magħna
kun it-tarka u s-sejf tal-ħelsien.
Kliem: P. Alfons M. Sammut OFMConv
Mużika: P. Domenico Stella OFMConv
2. Ninsġu Safja
Ninsġu safja dik l-għanja ta' mħabba,
u ngħannuha ma' l-Anġli tas-sema;
fiha ngħidu dak l-għaġeb li l-ġrajja
ma tfakkarx ieħor bħalu li nstema'.
Serafin wild Assisi, belt sbejħa,
fuq l-Alvernja sirt xebħ ta' Min fdiek;
u mis-sema bis-setgħa li għandek,
grazzji ixħet, kif dejjem tlabniek.
F'Nofs id-dija li tisboq lill-kwiekeb,
Xħin kont tgħammar bil-ħsieb fis-smewwiet,
Serafin rajt b'sitt ġwienaħ iħeġġu,
fuq dik l-għolja, fejn doqt biss ħlewwiet.
Serafin wild Assisi, belt sbejħa ...
L-għeliem kellu tal-fidwa tal-bniedem;
minxur kien ma' l-għudiet tas-salib;
kellu l-ġrieħi li nifdu l-imsiemer;
kellu f sidru tal-lama t-tidrib.
Serafin wild Assisi, belt sbejħa ...
O Missierna, iss'inti bħal Kristu,
Kristu ieħor, ngħidlek flimkien,
Mitlufin fl-ogħla ħeġġa ta' mħabba,
Int ħejjilna dejjiemi l-għajxien.
Serafin wild Assisi, belt sbejħa ...
KLiem: P. Albert M. Sammut OFMConv
Rabat: 26 ta' Awissu 1952
3. Dieħla ġo Qalbi
Dieħla ġo qalbi hena ttini ħlewwa
tqattar mimlija bit-tagħrif tas-sewwa.
Sabiħa l-ħajja meta hi mimlija
bl-imħabba t'Alla li ħalaqha għalina.
Ħajr nagħtu 'l Alla għall-ġmiel li hawn madwarna
Hu ħejja d-dinja għalija u għalik.
Min xegħel il-kwiekeb, trlla' x-xemx ħanina,
il-qamar ħiemed, li l-wens jagħtina.
Il-ward fil-ġnejna, l-ikħal nir tal-baħar,
l-ilmijiet sajfa: min bihom jiftaħar.
Ħajr nagħtu 'l Alla għall-ġmiel li hawn madwarna
Hu ħejja d-dinja għalija u għalik.
Kliem: P. Alfons M. Sammut OFMConv
Mużika: Riz Ortolani
4. Talba ta' San Damjan
Bniedem li jixtieq il-ġid jerfa' ħolma f'qalbu
b'ħafna mħabba u umiltà jaf jasal jibniha,
Jekk b'qalb tajba tagħraf tgħix bla ma tgħolli rasek
aktar ħieni tista' tkun waqt li xejn ma jkollox.
Jekk tixtieq bil-għaraq tiegħek minn dal-jum għal ieħor
tqiegħed ġebla fuq ġebl'oħra, fl-aħħar tasal fuq nett.
Jekk il-ħajja tgħix ta' fqir, il-mogħdija ssibha
li timlielek kif tixtieq qalbek bis-sliem kollu.
Il-ferħat tal-bniedem fqir huma dejjem isbaħ
il-ferħat li wara kollox huma l-aqwa ħaġa.
Ħabbrek sew, mil-jum għal għada bil-għaraq tiegħek,
tqiegħed ġebla fuq ġebl'oħra, fl-aħħar tasal fuq nett.
Kliem: mhux magħruf
Mużika: Riz Ortolani
Assisi: 17.4.2003
Statwa
tal-Qaddis meqjuma
fil-Knisja ta'
San Franġisk
Birkirkara
