Nitolbu ma' San Franġisk
Antifona lil Verġni
Qaddisa Verġni Marija
minn fost in-nisa ma twieldet qatt oħra bħalek.
Int il-bint u l-qaddejja
tas-Sultan il-Kbir
l-aktar għoli u tal-Missier tas-sema
Int l-omm tal-Mulej Qaddis tagħna Ġesù Kristu
Int l-għarusa ta’ l-Ispirtu s-Santu.
Itlob għalina
ma’ San Mikiel Arkanġlu
u mal-qawwiet kollha tas-sema
u mal-qaddsin kollha
Lill-Għażiż Ibnek l-aktar Qaddis,
Mulej u Mgħallem tagħna.
Glorja lil Missier u l-Iben
u lill-Ispirtu s-Santu.
Kif kien fil-bidu, issa u dejjem.
Ammen.
Maqlub ghal Malti minn Fr Thomas Calleja OFMconv
Assisi: Jannar 2003
Din l-Antifona
tagħmel parti
mill-Uffiċċju
tal-Passjoni.
Frangisku kien jgħid din it-talba
qabel u wara
kull Salm.
Fiha Franġisku
jpingi lil Marija
fil-qwarniċ
tat-Trinita'.
Marija
hija Bint il-Missier, hija Omm l-Iben
u hija l-Għarus
ta' L-Ispirtu
s-Santu.
Frangisku juri
lil Marija bħala dik li titlob għallina
flimkien ma' san Mikiel u
l-qaddisin
quddiem binha.
