Nitolbu ma' San Franġisk
Tislima lil Virtujiet
Sliem, Sultan Għerf!
Il-Mulej iħarsek flimkien ma’ oħtok,
il-qaddisa pura Sempliċità!
Qaddisa Sinjura Povertà!
Il-Mulej iħarsek flimkien ma’ oħtok,
il-Qaddisa Umiltà!
Qaddisa Sinjura Karità
Il-Mulej iħarsek flimkien ma’ oħtok,
il-qaddisa Ubbidjenza!
Virtujiet l-aktar qaddisa,
il-Mulej iħarsikom ikoll kemm intom,
għax minnu ħriġtu u minnu ġejtu.
M’hemm tassew l-ebda bniedem fid-dinja
li jista’ jħaddan imqar waħda minnkom
jekk qabel ma jmutx.
Min iħaddan waħda u ma jmaqdarx l-oħrajn
iħaddankom ilkoll kemm intom.
Min imaqdar imqar waħda
ma jħaddan l-ebda waħda minnkom
u jmaqdarkom ilkoll u jitlifkom kollha
u kull waħda tħawwad il-vizzju u d-dnub.
L-Għerf Qaddis iħawwad
ix-Xitan bil-qerq kollu tiegħu.
Il-Qaddisa Pura Sempliċità tħawwad
l-għerf kollu tad-dinja
u l-għerf tal-ġisem.
Il-Qaddisa Povertà tħawwad
il-kilba għall-għana, ir-regħba
u l-ħsieb għall-ħwejjeġ tad-dinja.
Il-Qaddisa Umiltà tħawwad il-kburija,
il-bnedmin kollha
u dak kollu li hawn fid-dinja.
Il-Qaddisa Karità tħawwad
kull tiġrib tax-Xitan u tad-dinja
u kull biża’ tal-bniedem.
Il-Qaddisa Ubbidjenza tħawwad
ix-xewqat żienja tal-ġisem kollha,
u żżomm il-ġisem mgħakkes.
Biex tobdi l-Ispirtu u lil ħutha
u tagħmel lill-bniedem imjassar u joqgħod
mhux biss għal kull bniedem fid-dinja,
iżda wkoll għal kull bhima
u b’hekk ikunu jistgħu jagħmlu bih li jridu
ladarba ġiet mogħtija lilhom is-setgħa
minn fuq mingħand il-Mulej.
Maqlub għal Malti minn Fr Thomas Calleja OFMconv
Assisi: Jannar 2003
Ħafna drabi
San Franġisk
kien iwissi
lill-patrijiet biex
fil-prietki
li jagħmlu,
kliemhom
ikun meqjuż,
fil-qosor, sempliċi
u ħiereġ
mill-qalb
aktar milli mill-moħħ.
Kien iħeġġiġhom
biex jitkellmu dwar il-vizzi
u l-virtujiet.
Dwar
il-virtujiet Franġisku ħallilna
dan l-innu.
Jitkellem dwarhom
fis-sens femminil
u jseħħilhom Sinjura,
kif kien isir b'mod kavalleresk
fi żmienu.
Frangisk izewweg
l-Gherf
mas-Semplicità;
il-Povertà
ma' l-Umiltà,
u l-Karita`
ma'
l-Ubbidjenza.
Ikoll f'rabta
ta' ahwa.
Din it-talb
hija maghrufa
b'diversi titli. fosthom:
"Il-virtujiet
tal-Vergin Imqaddsa
li ghandhom ikun
f'kull ruh qaddisa".
Innota li biex tinzamm
l-armonija femminili
li hemm fil-bqija
tat-testl-ewwel
frazi minflok
"Sultan Gherf" minhabba li
l-gherf
fl-ilsiena huwe maskil giet maqluba
"Sultana ta'
l-Gherf".
