Nitolbu ma' San Franġisk
Missierna
Parafrasi tal-Missierna
Missierna:
l-aktar Qaddis,
Ħallieq, Feddej, Konsolatur u Salvatur tagħna.
Li inti fis-smewwiet:
fl-anġli u l-qaddisin,
iddawwalhom biex jagħrfuk, għax inti, Mulej,
int Dawl;
tħeġġiġhom biex iħobbuk, għax int, Mulej,
int Imħabba;
tgħammar fihom u tfawwarhom bil-ħena,
għax int, Mulej, int l-ogħla tjieba,
tjieba bla tmiem,
il-bidu ta’ kull tjieba
u mingħajrek m’hemm l-ebda tjieba.
Jitqaddes ismek:
Jalla l-għarfien tiegħek fina jsir aktar ċar,
biex inkunu nistgħu nagħrfu,
il-wisa’ tat-tjieba tiegħek,
it-tul tal-wegħdiet tiegħek,
l-għoli tal-kobor tiegħek
u l-fond tal-ġudizzji tiegħek.
Tiġi Saltnatek:
Ħalli ssaltan fina bil-grazzja tiegħek,
u tħaffifna biex naslu għas-saltna tiegħek,
fejn hemm naraw id-dehra ċara tiegħek,
l-imħabba perfetta tiegħek,
l-għaqda ħienja miegħek,
u t-tgawdija bla tmiem tiegħek,
Ikun li trid int kif fis-sema hekkda fl-art:
Biex inħobbuk
b’qalbna kollha billi naħsbu dejjem fik;
b’ruħna kollha billi dejjem nixtiquk;
b’moħħna kollu, billi ndawru fehmietna lejk,
u billi nfittxu f’kollox il-glorja tiegħek;
b’saħħitna kollha, billi nħaddmu l-qawwiet
u s-setgħat kollha
ta’ ruħna u ta’ ġisimna
f’xejn aktar ħlief fil-qadi ta’ mħabbtek.
Biex inħobbu lil qrabatna bħalna nfusna
billi b’ħilitna kollha niġbduhom ilkoll lejn imħabbtek.
Billi nifirħu bil-ġid ta’ l-oħrajn daqslikieku tagħna,
billi nsofru ma’ l-oħrajn fit-tiġrib
u billi ma nweġġgħu lil ħadd.
Ħobżna ta’ kuljum:
l-għażiż Ibnek,
il-Mulej tagħna Ġesù Kristu.
Agħtina llum:
b’tifkira, b’fehma u b’qima
ta’ dik l-imħabba li kellu għalina
u għal kull ma qal u għamel u bata għalina.
Afrilna Dnubietna:
Għal ħnientek li ma titfissirx bil-kliem,
bil-qawwa tal-passjoni ta’ Ibnek il-għażiż
u għall-merti u t-talb
ta’ l-Imqaddsa Verġni Marija
u tal-magħżulin tiegħek kollha.
Bħalma naħfru lil min hu ħati għalina:
u dak kollu li aħna ma jirnexxilniex naħfru
agħmel, Mulej, li naħfru għal kollox.
Biex hekk, għal imħabbtek inħobbu tassew
lill-għedewwa tagħna
u biex bil-ħeġġa kollha nidħlu għalihom quddiemek,
bla ma nroddu lil ħadd deni b’deni
imma nagħmlu ħilitna biex fik
nagħmlu l-ġid lil kulħadd.
La ddaħħalniex fit-tiġrib:
mistur jew magħruf, li jiġi f’salt jew li jissokkta.
Iżda eħlisna mid-deni:
ta’ l-imgħoddi, t’issa u ta’ li ġej.
Ammen
Maqlub għal Malti minn Fr Thomas Calleja OFMconv
Assisi: Jannar 2003
Bħal ma Kristu kien jgħallem
lid-dixxipli tiegħu kif
jitolbu,
hekk ukoll Franġisku
kien jgħallem
lill-patrijiet tiegħu.
Il-ħajja ta'
San Franġisk
kienet kollha
kemm hi
skola ta' talb.
Franġisku ħalla
bil-miktub
din riflessjoni
dwar il-talba
tal-Missierna.
Ir-riflessjonijiet
fuq it-Talba
tal-Missierna
kienu komuni ħafna
fiż-żmenijiet
tan-Nofs.
Din ir-riflessjoni
hija
bla dubbju
mera
tal-ħajja
interjuri
ta' Franġisku.
I
z