Nitolbu ma' San Franġisk
Tifħir lil Alla l-Għoli
Int qaddis, Mulej Alla wieħed,
li tagħmel ħwejjeġ tal-għaġeb.
Int qawwi, Int kbir, Int l-Aktar Għoli.
Int is-Sultan li tista’ kollox,
Int Missier Qaddis,
Sultan tas-sema u l-art.
Int, wieħed-u-tlieta,
Mulej Alla fuq l-allat,
Int it-tjieba, kull tjieba, fuq kull tjieba,
Mulej Alla ħaj u veru.
Int imħabba, int għerf, int umiltà,
int sabar, int sbuħija, int ġwejjed.
Int kenn, int sliem,
int hena u ferħ,
int tama tagħna, int ġustizzja.
Int il-qjies,
int l-għana kollu tagħna.
Int ġmiel, int ġwejjed.
Int li tħarisna.
Int li tgħasses fuqna u tidħol għalina.
Int qawwa. Int serħan.
Int it-tama tagħna, int il-fidi tagħna,
int l-imħabba tagħna,
int il-ħlewwa kollha tagħna,
int l-ħajja bla tmiem tagħna,
kbir u tal-għaġeb,
Mulej Alla li tista’ kollox,
Feddej tal-ħniena.
Maqlub għal Malti minn Fr Thomas Calleja OFMconv
Assisi: Jannar 2003
Din it-talba
ta' tifħir tinsab
fuq il-parċmina
flimkien
mal-Barka
lil Frate Leone.
Franġisku kiteb
dan it-tifħir b'idu stess wara li rċieva
il-pjagi fuq
La Verna
f'Settembru 1223.
It-Talb oriġinali
tinsab mħarsa
mill-Franġiskani
Konventwali
fil-Kappella
tar-relikwi
fil-Bażilka nferjuri
ta'
San Franġisk
F'Assisi.
