Nitlobu ma' Santa Klara
gabra ta' talb migbura mill-ittri taghha
Gesù Gharus ta' dawk li ghandhom qalb safja
mill-Ewwel Ittra lil Anjeze ta' Praga, vs 7-10
Mulej Gesù
int Gharus wisq akbar nobbli,
il-Mulej Gesù Kristu,
li thares il-vergnità taghna bla tebgha
u zzommha bla mittiefsa.
L-imhabba tieghek
taghmilna kasti,
it-tghannieqa tieghek
taghmilna akbar safja,
u aktar ma nersaq lejk,
aktar insiru safja.
Ghaliex is-setgha tieghek
tghaddi kull setgha ohra,
il-generozità tieghek
hija akbar minn kull gmiel iehor,
l-imhabba tieghek tisboq kull hlewwa,
u t-tjieba tieghek ma tistax titfisser bil-kliem.
Mulej jien ninsab mahtufa
fit-tghannieqa tieghek.
Innu lill-Faqar
mill-Ewwel Ittra lil Anjeze ta' Praga, vs 13-18
Mulej Gesù
sahhah fis-servizz li jien dhalt ghalih
b'xewqa mhegga ghalik, Imsallab Fqir.
IntiHu qaghadt ghas-salib,
u helistna mill-Hakma tal-Princep tad-dlam,
li tieghu konna sirna lsiera
minhabba d-dizubbidjenza
ta' l-ewwel genituri taghna,
tu hekk habbibna mill-gdid ma' Alla l-Missier.
O faqar hieni!
Lil min ihobbok u jhaddnek
int izzejnu bil-ghana ta' dejjem.
O faqar qaddis!
Lil dawk li jiksbuk u jixtiequk,
Alla jwieghed is-saltna tas-smewwiet
u joffri b'mod li ma jigix nieqes
il-glorja ta' dejjem u l-hajja hienja.
O faqar qaddis!
Lilek ghogbu jhaddan mieghu,
qabel kull haga ohra,
il-Mulej Gesù Kristu, li fis-setgha tieghu
kienu u huma s-smewwiet u l-art
ladarba kienet bizzejjed
kelma wahda tieghu biex ikun mahluq kollox.
Mulej int ghedt:
il-volpi ghandhom il-gherien,
u l-ghasafar tal-ajru ghandhom il-bejtiet taghhom
imma Bin il-Bniedem, m'ghandux fejn imidd rasu
u meta serrahtha fuq sidrek,
serrahtha biex taghti
l-ahhar nifs tieghek.
Mixja wara Kristu
mit-Tieni Ittra lil Anjeze ta' Praga, vs 7,10-13
Sultan glorjuz
jien ghall-imhabba tal-faqar imqaddes,
u fi spirtu ta' umilta kbira
u ta' karita l-aktar imhegga,
irid naghzilt li nimxi b'rieda shiha fuq il-passi tieghek.
u nkun l-gharusa tieghek.
U Billi haga wahda biss hija mehtiega,
nieqaf fuq din il-haga wahda,
u nitolbok ghall-imhabba tieghek
ghax jien lilek offrejt innifsek bhala vittma
qaddisa u li toghgbok
u nzomm quddiem ghajnejja
l-bidu tas-sejha tieghi.
Dak li ghandek f'idejja
nixtieq nibqa' zommu shih;
dak li naghmel, nixtieq naghmlu sewwa.
Ma rrid nieqaf qatt,
izda b'mixja mghaggla,
b'pass hafif,
b'riglejja fuq is-sod,
nimxi 'l quddiem bla biza',
ferhana fit-triq
li gharaft naghzel
b'ghagal kbir.
Kristu Fqir
mit-Tieni Ittra lil Anjeze ta' Praga, vs 18-22
Tghannaq ma' Kristu fqir.
Qis li Hu sar oggett ta' disprezz,
u ghalhekk int imxi warajh,
u ghall-imhabba tieghu
tarahiex bi kbira
li ssir immaqdra f'din id-dinja.
Hares lejn l-Gharus tieghek,
li hul-isbah fost ulied il bnedmin,
li biex isalvak
sar l-ahhar wiehed fost il-bnedmin,
immaqdar, imsawwat u midrub f'gismu kollu,
u miet fost l-ehrex tbatijiet fuq is-salib.
Ahseb fuqu u kkontemplah,
u xtieq b'herqa li ssir tixbhu.
Jekk tbati mieghu, ghad tifrah mieghu;
jekk tmut mieghu fuq is-salib tan-niket,
ghad tghammar mieghu
fil-ghamajjar leqqiena tal-qaddisin
u ismek ikun miktub fil-Ktieb tal-hajja,
u jkun imsebbah fost il-bnedmin.
Mulej kun il-Ferh tieghi
mit-Tielet Ittra lil Anjeze ta' Praga, vs 10-14
Mulej kun int il-ferh tieghi
irid nifrah fuq li nifrah dejjem fik.
Thallix li xi shaba ta' swied il-qalb
tinzel fuqi biex iddallamni.
Irrid inqieghed ghajnejja quddiemek
bhal quddiem mera ta' l-eternità,
qieghed ruhi fid-dawl tal-glorja tieghek,
u qalbi fik,
li int x-xbieha ta' l-essenza divina;
permezz tal-kontemplazzjoni
ibdilni dejjem izjed fixxbieha tad-divinità tieghek.
Hekk jiena wkoll inhoss
dak li jhossu l-hbieb tieghek,
u dduq dik il-hlewwa mohbija.
li Alla nnifsu hejja sa
mill-bidu ghal dawk li jhobbuh.
Nitghannaq ma' l-Omm Vergni
mit-Tielet Ittra lil Anjeze ta' Praga, vs 15-19
Mulej nixtieq
inhobb b'qalbek kollha lilek li,
ghax habbejtni,
tajt lilek nnifsek kollok kemm int.
Ix-xemx u l-qamar
jistaghgbu bi gmielek,
u d-doni tieghek huma ta' kobor,
ta' prezz u ta' gmiel bla tmiem.
Int l-Iben ta' l-Aktar Gholi,
li wellditek l-Vergni,
u baqghet dejjem Vergni wara twelidek.
Nixtieq nitghannaq b'qalbi kollha
ma' l-Omm l-aktar helwa tieghek,
li nisslet Iben tant kbir,
hekk li lanqas is-smewwiet ma jesghuh.
Izda hi laqghetek
fil-kjostru zghir tal-guf imqaddes taghha,
u refghetek fil-hdan verginali taghha.
Ruh il-Bniedem
mit-Tielet Ittra lil Anjeze ta' Praga, vs 21-23
Mulej,
int hlaqr ruh il-bniedem
Bhala l-akbar hlejqa denja
fost il-hlejjaq kollha.
Il-grazzja tieghek ta' Alla
taghmilha akbar mis-smewwiet.
Ghaliex waqt li s-smewwiet
u lhlejjaq kollha
ma jistghux jesghu lilek,
l-Hallieq taghhom,
ir-ruh biss hija l-post
fejn int tghammar u jghix,
u dan isehh bil-qawwa ta' l-imhabba,
Dan ghidtulna int, l-istess Verità:
Min ihobb lili,
ihobbu wkoll il-Missier,
u jien ukoll inhobbu;
u ahna nigu u nghammu ghandu.
Ingorrok f'Gismi
mit-Tielet Ittra lil Anjeze ta' Praga, vs 24-26
Mulej Geù Kristu,
kif il-glorjuza Xebba tax-Xbejbiet
garritek fizikament fi hdanha,
hekk jien wkoll,
billi nimxi fuq il-passi tieghek
u l-izjed l-umiltà u l-faqar tieghek,
nista' dejjem, bla dubju ta' xejn,
iggorrok spiritwalment
fil-gisem kast u verginali tieghi.
Hekk jien inhaddan fija
lil Dak li jien u l-hlejjaq kollha
ahna imhaddnin minnu.
Bik Mulej,
ikolli bhala haga tieghi il-gid li,
meta nqabblu ma' kull gid iehor
li jintemm ta' din id-dinja,
hu akbar zgur u jibqa'.
Sehem fl-Ikla Mqaddsa
mir-raba' Ittra lil Anjeze ta' Praga, vs 8-13
Mulej Gesù,
Haruf bla tebgha li tnehhi d-dnubiet tad-dinja,
inroddlok hajr talli lili
taghtini sehem f'din l-ikla mqaddsa
biex nkun nista' ninghagad
bil-qawwa kollha ta' qalbi mieghek,
li l-qtajjiet tas-sema jixxennqu
jharsu lejn gmielek.
L-imhabba tieghek thenni,
il-kontemplazzjoni tieghek
trodd is-sahha mill-gdid,
u t-tjieba tieghek timla kull xewqa tieghi.
Il-hlewwa tieghek
tfawwar ir-ruhi
u t-tifkira tieghek ddawwal il-mohhi.
Il-fwieha tieghek tqajjem il-mejtin,
u d-dehra glorjuza tieghek
timla bil-hena lic-cittadini kollha
ta' Gerusalem tas-sema.
Inhares lejn il-Mera
mir-raba' Ittra lil Anjeze ta' Praga, vs 14,18-23
Mulej Gesù Kristu
id-dehra tieghek hija dija tal-glorja eterna,
ragg tad-dawl ta’ dejjem,
u mera bla tebgha.
F'din il-mera jiena nara jirriflettu
l-faqar hieni,
l-umiltà qaddisa
u l-imhabba li tisboq kull kliem;
dan kollu jien,
bil-ghajnuna tal-grazzja ta' Alla,
nista' narah mifrux
fuq il-wicc tal-mera kollha.
Meta nhares in-naha ta' fuq ta' din il-mera,
u nara l-faqar tieghek Mulej,
li gejt imqieghed f'maxtura,
u imfisqi fil-hriegi fqajrin.
O x'umilta tal-ghageb,
u x'faqar li jghaggeb!
Is-Sultan ta' l-Angli,
is-Sid tas-sema u ta' l-art,
imqieghed f'maxtura!
Meta nhares finnofs ta' din il-mera,
u nara l-umiltà qaddisa
u maghha l-faqar hieni,
l-ghejja u s-sofferenzi bla ghadd
li int garrabt biex tifdi l-gens tal-bnedmin.
U meta nhares lejn in-naha t'isfel tal-mera,
insammar ghajnejja
fuq l-imhabba li ma titfissirx bil-kliem,
imhabba li wasslitek biex taghzel
li tbati fuq il-ghuda tas-salib,
u tmut mewta l-izjed mistkerrha.
Mill-Gholi tas-Salib
mir-raba' Ittra lil Anjeze ta' Praga, vs 24-26
Mulej Gesù
mill-gholi tal-ghuda tas-salib,
inti tistieden lil dawk ghaddejjin mit-triq
u tghidilhom jieqfu u jahsbu:
U intom ilkoll li ghaddejjin mit-triq
hares sewwa u araw jekk hawnx
hemm bhall-hemm tieghi.
Lilek, li qed isejjhilna u titnieghed,
b'lehen wiehed u qalb wahda inwiegbek:
Tiftakar ruhi u tahseb,
u tinfena gewwa fija.
Innu lill-Gharus
mir-raba' Ittra lil Anjeze ta' Praga, vs 30-32
O Gharus tas-sema,
igbidni warajk!
Ahna nigru warajk,
migbudin mill-hlewwa tal-fwieha tieghek.
Jiena nigri bla ma nghejja qatt,
sakemm iddahhalni fil-kantini tal-inbid .
Imbaghad, drieghek tax-xellug
ighaddi minn taht rasi,
u l-leminija tieghek
thaddanni bil-hlewwa,
u tbusni bil-bewsa
l-aktar hienja ta' fommok.
Testi mehudin u modifikati minn: Il-Kitbiet ta' San Frangisk u Santa Klara, traduzzjoni ta' Sr M. Immakulata Bellizzi OSC, Edizzjoni TAU, Malta 1993. Ara wkoll: Bierku lill-Mulej, Nitlobu ma' Frangisku u Klara, Edizzjoni TAU, Malta, 1999.
Assisi -20.4.2003
Santa Klara
ta' Assisi
750 Sena mill-Mewt 1253-2003
Dan is-750 Anniversarju nibdew niccelebrawh
minn
Hadd il-Palm
(13 ta' April) 2003 meta ohtna Klara harbet mid-dar
ta' missierha
u weghdet ubbidjenza
lil Frangisku quddiem
Santa Marija
ta' Angli
u ngibuh
ghat-tmiem b'celebrazzjoni kbira nhar
il-Festa ta'
Santa Klara
fil-11 ta' Awissu 2004.
mill-ittra
tal-Ministri
Generali