Jien illum m'eluf ta' Nsara

Nixtieq ninseg xi tifhir,

Lil Missier ghaziz minn taghna

Lil Frangisku Qaddis kbir.

Sliem ghalik, o Patrijarka

Ezemplar minn ta' l-Insara,

Int il-bniedem mahbub mn'Alla,

Kull virtù kulhadd fik jara.

Hallejt 'l ommok u 'l Missierek

Il-gid kollu abbandunjat;

X'hin gharaft il-qerq u l-frugha

L-ahhar sliem lid-dinja tajt.

Kollok zelu, kollok hegga

Il-gid tfittex ta' l-erwieh,

Biex ghal Kristu lilhom tirbah

Tahdem, teghreq bla mistrieh,

Kemm tassew habbejt lill-proxxmu

Wara il-faqar dejjem grejt,

Biex issalva li xi midneb

Hrara kbira wkoll urejt.

Sawm, cilizzji, dixxiplini,

Dmugh ixxerred lejl u nhar,

Il-gost tieghek tghin il-morda

Jew il-hobz tqassam lill-fqar.

Lilek nara fuq l-Alvernja

Fl-ikbar xeghla ta' moghdrija

Lejn Gesù li miet imsallab

Qalb l-insulti u t-tbatija;

Tahseb bqajt fuq il-Passjoni

Li kien sofra r-Redentur,

U li bhalu tixtieq tbati

Xewqa kbira nissilt zgur.

Izda hawn, oh! min ifisser

X'hassejt f'qalbek f'dak il-hin

Li mis-Sema int rajt nizel

U lejk jersaq Serafin?

Taht dix-Xbieha, kien hemm Kristu

Dlonk bhal tieghu l-pjagi tak,

B'dan il-mertu, b'din il-glorja

Ried Bin Alla jonorak!

Hniena, hniena, il-pjagi tieghek

Qed jitolbu ghall-bnedmin,

Paci jgibu fuq id-dinja

Paci 'l tant qlub imnikktin.

O Frangisku ftakar dejjem

L'ahna tieghek veri wlied;

Minna bieghed gwaj u hazen,

Lilna wassal fis-Smewwiet.

Giovanni Carabez

1918