Nitolbu ma' San Frangisk
Talb fuq fomm San Frangisk
migbur minn ghejjun differenti
■ Talb mehud mill-Arbor Vitae Crucifixae Iesu,
ta’ Umbertino da Casale
Twegiba ghall-Imhabba
Mulej, nitolbok bil-herqa
ghamel li l-qawwa mhegga
u helwa ta’ mhabbtek
tharrab lir-ruh tieghi mill-hwejjeg tad-dinja
biex inkun nista’ mmut
ghall-imhabba tieghek, Mahbub tieghi.
(mill-Arbor Vitae Crucifixae Iesu, V,4
ta’ Umbertino da Casale)
Il-faqar l-ghana tieghi
Mulej tieghi,
gharrafni l-faqar, li int tant thobb.
Hanin Gesú,
jkollok hniena minni.
Inhossni mxennaq ghas-Sinjura tal-faqar.
tant li ma nistghax insib serhan minghajrha.
Kont int Mulej,
li kebbist din l-imhabba ghaliha f’qalbi.
Tini l-grazzja li naghmilha tieghi.
Nixtieq tassew li nistghana
bit-tezor tal-Faqar.
Bil-herqa nitolbok,
Li is-Sinjura tal-Faqar tkun tieghi
u tieghi ghal dejjem.
Gesú, int kont tassew fqir,
Ma nixtieq li jkolli xejn tieghi
taht il-kappa tas-sema,
imma biss li nghix b’dak
li l-ohrajn jistghu jaghtuni.
(mill-Arbor Vitae Crucifixae Iesu,19-21
ta’ Umbertino da Casale)
■ Talb mill-Kitbiet
ta’ San Bonaventura
Mulej tieghi
Mulej tieghi
Ghad li ma jisthoqqlix
u ghad li jien bniedem midneb,
Int bghattli dan il-farag mis-sema.
Jien nroddulek mill-gdid lura,
hu hsiebu inti,
nkella nhossni qiesni halliel
li nisraq it-tezor tieghek
biex inzommu ghalija.
■ Talb mehud mill-Kitbiet
ta’ Tomaso da Celeno
Mulej Hniena
Mulej Alla tieghi,
jkollok hniena minni,
midneb!
(mill-ewwel Ktieb ta’ Celano, 26)
■ Talb mill-Konsiderazzjonijiet
dwar il-Pjagi Mqaddsa ta' San Frangisk
Mulej, Alla tieghi
Mulej Alla tieghi,
gharrafni wara mewti
x’ser isir mill-familja fqajra ckejkna,
li f’imhabbtek joghgbok tafda f’idejja,
bniedem midneb?
Min ser ifarraghom?
Min ser iwissihom?
Min ser jitolbok ghalihom?
(mit-Tieni Konsiderazzjoni dwar il-Pjagi Mqaddsa)
Mulej x’nista naghtik
Mulej tieghi,
Jien kollni kemm jien tieghek.
Int taf li m’ghandi xejn
hlief it-tonka, il-kurdun u l-hwejjeg minn taht,
u wkoll dawn it-tlieta, huma tieghek.
Ghaldaqstant x’nista’ naghtik?
(mit-Tielet Konsiderazzjoni fuq il-Pjagi Mqaddsa)
Grazzji qabel il-mewt
Mulej tieghi, Gesù Kristu
Nitolbok zewg grazzji qabel immut:
Qabel xejn, nitlobok li matul hajti
f’ruhi u f’gismi nhoss kemm jista’ jkun
l-istess tbatija
li int, Gesù l-aktar helu
garrabt fis-siegha tal-Passjoni
l-aktar harxa tieghek.
It-tieni nixtieq, kemm jista` jkun inhoss
fil-qalb tieghi dik l-istess imhabba kbira
li biha int, Iben Alla, kont imkebbes
tant li ridt iggarrab tbatija hekk kbira
ghalina l-bnedmin.
(mit-Tielet Konsiderazzjoni fuq il-Pjagi Mqaddsa)
Min int Mulej?
Int min int?
O Mulej tieghi, l-aktar helu!
U jien min jien?
Dudu l-aktar baxx
u qaddej tieghek li ma niswa ghal xejn!
Int min int?
Mulej ta’ tjieba bla tarf,
Gherf u Qawwa,
li ghogbok izzur lili
dudu baxx u mistmerr?
(It-Tielet Konsiderazzjoni fuq il-Pjagi Mqaddsa)
■ Talb mehud mill-Fjuretti
Alla tieghi
Alla tieghi u kollox
(mill-Fjuretti)
Mulej tieghi
Mulej tieghi Gesú Kristu.
Inroddlok hajr ghall-Imhabba
u l-Karità li wrejtni.
Huwa tassew sinjal ta’ l-imhabba hekk kbira
meta int Mulej twiddeb lill-qaddej tieghek
ghall-ghemejjel hziena f’din il-hajja
milli tikkastigah fil-hajja li gejja.
Minhabba dnubieti jien lest
li bil-ferh ingarrab
kull tigrib u kull ghawg,
li int, O Alla
joghgbok tippermettili.
(mill-Fjuretti)
■ Talb iehor
Hares lejn il-mard tieghi
Mulej, Gesù Kristu,
Int ir-Raghaj it-Tajjeb.
Int tajtna b’imhabba tant hniena,
li ahna lanqas biss konna nisthoqqu,
u li tant drabi kellek ggarrab
ghalina ugigh hekk kbir!
Ladarba sejjahli biex inkun fil-merhla tieghek.
Nitolbok biex bil-grazzja u bil-qawwa tieghek
fil-hin ta’ nkwiet,
ta’ tqigh il-qalb u ta’ hemm,
ma jkun qatt li nitbieghed minnek.
Mulej, hares nitolbok
lejn il-mard tieghi.
Ghenni biex ingarrab kollox bis-sabar.
Nifrah fit-tigrib u fil-mard tieghi.
Inhossni f’sahhti fik biss Mulej.
F’kull hin inrodd hajr lil Alla,
l-Missier u lil Ibnu l-Wahdieni,
l-Mulej taghna Gesù Kristu,
u lill-Ispirtu s-Santu
ghall-grazzja kbira li tani,
waqt li ghadni haj,
meta ghogbu accerta lili,
qaddej tieghu li ma niswa` ghal xejn,
li s-Saltna tieghu ser tkun tieghi.
(mill-Mera ta’ Perfezzjoni)
Jien qaddej tieghek
“Imbierek int, Mulej talli hbejt
dawn il-hwejjeg
lill-ghorrief u lill-intelligenti
u wrejthom lic-ckejknin.
Iva, Missier, ghax hekk joghgob
lilek li taghmel.”
Gesú, Missier u Mulej ta’ hajti,
ehlisni mill-pariri tal-hziena
u thallinix naqa’ fihom.
Ghamel, izda, li bil-grazzja tieghek,
insib dak li qed infittex,
ghax jien qaddej tieghek,
bin il-qaddejja tieghek.
Maqlub ghal Malti minn Fr Thomas Calleja OFMconv
Assisi: Jannar 2003
Barra it-talb
li nsibu
fil-Ktibiet
ta' San Frangisk
Issib ukoll
ghadd ta'
talb iehor
fuq fomm
il-Qaddis.
Hawnhekk hawn
ftit minn
dan
it-talb
migbura
mill-kitbiet
ta' dawk
li kitbu
hajjietu.
